इलामको ऐना पोखरीमा डुबेर १८ वर्षीय विनीताको मृत्यु

इलाम / इलामको चुलाचुली गाउँपालिका ३ मा रकेको ऐना पोखरीमा डुबेर एक युवतीको मृत्यु भएको छ । पोखरीमा डुबेर १८ वर्षीय विनीता जोगी को मृत्यु भएको हो । चुलाचुली गाउँपालिका ४ आइतबारे निवासी मान बहादुर जोगी र निर्मला जोगीकी छोरी विनीता पौडी खेल्न साथीहरिसँग गएकी थिइन् । प्रहरीका अनुसार उनीसँगै अन्य दुई जना सँगै गएका थिए । पौडी खेलेर फिर्न लाग्दै गर्दा सेल्फी खिच्ने क्रममा उनी पानीमा डुबेको बताइएको छ । चिप्लिएर पोखरीमा खसेकी उनलाई साथीहरूले निकाल्न खोजे तर सकेनन् । मृतक १८ वर्षीय विनीता जोगी चुलाचुली ४ स्थित श्री बालज्योती माध्यमिक विद्यालयमा अध्ययनरत थिइन ।