इलाम । बस दुर्घटनामा परी इलाममा २६ जना घाइते भएका छन् ।
शुक्रबार साँझ इलामको कन्यामबाट झापातर्फ जाँदै गरेको बस दुर्घटना हुँदा यात्रु घाइते भएका हुन् ।
मेची राजमार्ग अन्तर्गत रोङ गाउँपालिका–४ भालु झोडामा को १ ख ४४०८ नम्बरको बस ब्रेक फेल भई दुर्घटनामा परेको थियो ।
ADVERTISEMENT
ब्रेक फेल भएर सडकको छेउमा रहेको कालिमन्दिरमा ठोक्किएको जिल्ला प्रहरीले कार्यालय इलामले जानकारी दिएको छ ।
ADVERTISEMENT
बसमा ३२ जना यात्रु सवार थिए । तीमध्ये चालकसहित २६ जना घाइते भएको जिल्ला प्रहरी कार्यालय इलामका प्रहरीनायव उपरीक्षक जितेन्द्रकुमार बस्नेतले जानकारी दिए ।
उनका अनुसार घाइतेहरुलाई उपचारका लागि झापाको विर्तामोड पठाइएको छ ।
घाइतेहरुको टाउको, शरिर, खुट्टा लगायतमा चोट लागेको छ । घाइते सबै मोरङको रंगेलीका रहेको बताइएको छ ।
ADVERTISEMENT
Discussion about this post