विराटनगर । संखुवासभाको खाँदबारी नगरपालिका–१, मा खुकुरी प्रहार गरी शुक्रबार एक युवतीको हत्या भएको छ । सभापोखरी गाउँपालिका–१ घर भई खाँदबारी–१ बस्दै आएकी २१ वर्षीया युना दर्नालको हत्या भएको हो ।
संखुवासभाका प्रहरी नायब उपरीक्षक (डीएसपी) वीरेन्द्र गोदारका अनुसार सभापोखरी गाउँपालिका–१ कै २३ वर्षीय नन्दराम गदालले दर्नालको हत्या गरेका हुन् ।
गदालले युवतीको हत्या गरेपछि खुकरी प्रहार गरी आत्महत्याको प्रयास गरेको प्रहरीले जनाएको छ । युवतीको हत्या गरेपछि गदालले आफ्नै पेटमा खुकुरी प्रहार गरेका थिए ।
ADVERTISEMENT
ADVERTISEMENT
उनको जिल्ला अस्पताल खाँदबारीमा उपचार भइरहेको छ । गदाल नेपाल प्रहरीको तीन महिने तालिम सकेर खाँदबारी गएका थिए ।
हत्याको कारणसहित घटनाबारे अनुसन्धान भइरहेको प्रहरीले जनाएको छ ।
ADVERTISEMENT
Discussion about this post