स्याङ्जा । स्याङ्जाको चापाकोट नगरपालिकाका पूर्वमेयर शिवकुमार गिरीको दुर्घटनामा मृत्यु भएको छ ।
पुतलीबजार नगरपालिका–१०, बर्जामा सवारी दुर्घटना हुँदा चापाकोट नगरपालिका – ४ दार्सिङ घर भई हाल पुतलीबजारमा बस्दै आएका ६० वर्षीय गिरीको मृत्यु भएको हो ।
गएराति बालिङबाट स्याङ्जा बजारतर्फ आउँदै गरेको बा १५ च १७०१ नम्बरको स्कारपियो पुतलीबजार नगरपालिका – १० बर्जामा अनियन्त्रित भई दुर्घटना भएको जिल्ला प्रहरी कार्यालय स्याङजाले जानकारी दिएको छ ।
ADVERTISEMENT
ADVERTISEMENT
दुर्घटनामासिकिस्त घाइते भएका गिरीलाई जिल्ला अस्पतालमा उपचारार्थ भर्ना गरिएको थियो । उपचारक्रममा राति नै मृत्यु भएको जिल्ला प्रहरी कार्यालय स्याङ्जाका सूचना अधिकारी रवीन्द्र खनालले जानकारी दिए ।
स्कारपियो चालक ३२ वर्षीय सुरज नेपालीलाई प्रहरीले नियन्त्रणमा लिएको छ ।
ADVERTISEMENT
Discussion about this post