विराटनगर । मोरङको रंगेली नगरपालिका–९ शान्ति चोकमा आगोले एउटा घर जलेर ध्वस्त हुँदा १५ लाख बराबरको क्षति भएको छ ।
प्रहरीका अनुसार आगोले मुकुन्दप्रसाद कोइरालाको अढाई तले घरसहित घरभित्र रहेका अन्नपात, लत्ताकपडा, सुनचाँदी, नगद, महत्वपूर्ण कागजात सबै जलेर ध्वस्त भएको छ । प्रहरीका अनुसार आइतबार साँझ ६ः४५ बजेतिर आगलागी सुरु भएको थियो ।
ADVERTISEMENT
ADVERTISEMENT
आगलागीको कारण खुल्न नसकेको र विद्युत सर्ट भएर आगलागी भएको हुनसक्ने अनुमान गरिएको प्रहरीले जनाएको छ । इलाका प्रहरी कार्यालय रंगेलका इन्स्पेक्टर सन्तोषकुमार खड्का नेतृत्वको टोली, स्थानीय र दमकलको सहयोगमा आगो नियन्त्रणमा लिइएको थियो ।
मानवीय एवं चौपाया क्षति भने नभएको घटनामा १५ लाख बराबरको क्षति भएको प्रहरीको भनाइ छ । प्रहरीले आगलागीको अनुसन्धान सुरु गरेको छ ।
ADVERTISEMENT
Discussion about this post