प्रधानमन्त्री प्रचण्ड र गृहमन्त्री लामिछाने बिच भेटवार्ता

उपप्रधान एवं गृहमन्त्री रवि लामिछानेले प्रधानमन्त्री पुष्पकमल दाहाल “प्रचण्ड” सँग छलफल गरेका छन् ।

आज बिहान प्रधानमन्त्री प्रचण्डलाई भेटेर गृहमन्त्री लामिछानेले कोरोना सङ्क्रमण व्यवस्थापनका लागि सीमा क्षेत्रमा सावधानी अपनाउने, हवाई र स्थलमार्गबाट आउने पर्यटकलाई ध्यानमा राखी स्वास्थ्य डेस्क र होल्डिङ सेन्टर स्थापना गर्ने विषयमा छलफल गरेको गृहमन्त्रीको सचिवालयले जनाएको छ ।

साथै प्रधानमन्त्रीसँगको भेटको क्रममा लामिछानेले आम नागरिकलाई सिंहदरबार प्रवेश गर्न सक्ने वातावरण बनाउनका लागि छलफल गरेको सचिवालयले जनाएको छ । हाल सिंहदरबार प्रवेशका लागि पासको व्यवस्था गरिएको छ ।