इलाम : इलामको सन्दकपुर गाउँपालिका ५, जमुनामा गएराती पिक अप भ्यान दुर्घटना हुँदा एक जनाको मृत्यु भएको छ । अर्का एक जना घाइते भएको जनाइएको छ ।
जमुनाको सापकोटा गाउँको भित्री कच्ची सडकमा प्र १–०३–००१ च ००६९ नम्बरको पिक अप दुर्घटना भएको हो । दुर्घटनाबाट इलाम नगरपालिका-५, बरबोटेका २३ वर्षका तोया घिमिरेको मृत्यु भएको प्रहरीले जनाएको छ ।
ADVERTISEMENT
ADVERTISEMENT
दुर्घटनामा गम्भीर घाइते उनको उपचारका लागि अस्पताल लैजाँदै गर्दा बाटैमा मृत्यु भएको जिल्ला प्रहरी कार्यालयका सूचना अधिकारी डिएसपी प्रकाश जबेगुले जानकारी दिए ।
प्रहरीका अनुसार बिब्ल्याँटेबाट जमुनातर्फ जाँदै गरेको पिक अप सडकबाट खसेर दुर्घटना भएको हो । दुर्घटनामा इलाम नगरपालिका–४ का २० वर्षे चालक अभिषेक तिवारी घाइते भएका छन् ।
ADVERTISEMENT
Discussion about this post