इटहरी- सुनसरीको बराहक्षेत्रमा नयाँ वर्षकै दिन मोटरसाइकल अनियन्त्रित भएर दुर्घटना हुँदा २० वर्षीय युवकको घटनास्थलमै मृत्यु भएको छ ।
शनिबार बराहक्षेत्र नगरपालिका ३ हर्दियास्थित कालाबञ्जर–बाङ्गे भित्री पक्की सडकखण्डमा कालाबञ्जरबाट बाङ्गेतर्फ आँउदै गरेको को ३६ प २५६७ नम्बरको मोटरसाइकल आफैँ अनियन्त्रित भइ सडकको दाँया साइडमा रहेको नालामा खसेर दुर्घटना भएको हो ।
ADVERTISEMENT
दुर्घटनामा मोटरसाइकल चालक बराहक्षेत्र ७ बस्ने २० वर्षीय सञ्जीव माझीको मृत्यु भएको जिल्ला प्रहरी कार्यालय सुनसरीले जनाएको छ । दुर्घटनामा परेका माझिको घटनास्थलमै मृत्यु भएको प्रहरीको भनाइ छ । सोहि मोटरसाइकलमा पछाडि चढेका सोही ठाउँका २३ वर्षीय विशाल कोइराला घाइते भएका छन् ।
ADVERTISEMENT
ADVERTISEMENT
उनको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ ।
Discussion about this post