पर्यटन प्रवद्र्धनमा सहयोग गर्नेलाई सम्मान

इलाम / रोङ गाउँपालिकास्थित कुटीडाँडामा रहेको माता पाथीभरा साना पर्यटन व्यवसायी समूहको तेस्रो साधारण सभाका अवसरमा पर्यटन प्रवर्द्धनमा सहयोग गर्नेहरूलाई सम्मान गरेको छ । विभिन्न माध्यमबाट पाथीभरा क्षेत्रको पवर्घन गर्नेहरूलाई सम्मान गरेको हो ।

संस्थाले योगदान गर्ने जानुकादेवी भुजेल र जीना बस्नेतलाई सम्मान गरेको छ । अनुशासित व्यवसायी कविता राई र पुष्पा गुरुङ तथा उत्कृष्ट सरसफाइकर्मीलाई पनि सम्मान गरिएको छ ।

नियमित अगरबत्ती विक्री तथा भुक्तानी गर्ने निशा राई र बितिसा भुजेल, फ्रेबिक झोला बिक्री तथा भुक्तानी गर्ने इन्दिरा भुजेल, इमानदार व्यवसायी सम्झना निरौला ९भक्तजनको भेटिएको पैसा फिर्ता गर्ने०लाईसमेत सम्मान गरिएको छ ।

थोक विक्रेतातर्फ विमल भुजेल, कृष्णकुमारी भुजेल र यामबहादुर सुनुवारलाई पनि सम्मान गरेको समूह उपाध्यक्ष दिनेश निरौलाले जानकारी दिए ।

पाथीभरा मन्दिर परिसरमा व्यापार–व्यवसाय गर्ने उद्देश्यले स्थापना गरिएको समूहको आम्दानी र खर्च सो अवसरमा सार्वजनिक गरिएको छ । समूहको आम्दानी अगरबत्ती उत्पादन, झोला निर्माण तथा बिक्री–वितरणबाट सात लाख ९४ हजार रुपैयाँ छ ।

गत वर्षको बैङ्क र सहकारीमा मौज्दात दुई लाख ४८ हजार, चालु आर्थिक वर्षमा थप भई बैङ्कमा १६ हजार र पामकोल बचत तथा ऋण सहकारी संस्थामा हाल दुई लाख ८० हजार रहेको प्रतिवेदनमा उल्लेख छ ।