काेशी प्रदेशमा मन्त्रिपरिषद विस्तार, मन्त्रालयकाे पनि टुंगाे लाग्याे

विराटनगर । काेशी प्रदेशमा मुख्यमन्त्री हिक्मतकुमार कार्कीले मन्त्रिपरिषद विस्तार गरेका छन् । वैशाख २७ गते मुख्यमन्त्री भएका उनले मन्त्रिपरिषद विस्तार गरेर १० सदस्यीय बनाएका हुन् । मुख्यमन्त्री कार्कीले थप ५ मन्त्री र २ राज्यमन्त्रीसहित मन्त्रिपरिषद विस्तार गरेकाहुन् । मन्त्रीहरुले पाउने मन्त्रालयकाे पनि टुंगाे लागेकाे छ । यसअघि उनले २ जनालाई बिनाविभागीग मन्त्री नियुक्त गरेका थिए । यसअघि एमालेबाट रामबहादुर रानामगर र माओवादीबाट गणेश उप्रेतीलाई मन्त्री बनाएका थिए । रानामगरलाई आर्थिक मामिला तथा योजना मन्त्रालय र उप्रेतीलाई भौतिक पूर्वाधार विकास मन्त्रालयकाे जिम्मेवारी दिइएकाे छ । नवनियुक्त मन्त्रीमध्ये एमालेका लीलाबल्लभ अधिकारीलाई आन्तरिक मामिला तथा कानुन मन्त्रालय , एकराज कार्कीलाई खानेपानी, सिंचाइ तथा उर्जा मन्त्रालय,पाँचकर्ण राईलाई सामाजिक विकास मन्त्रालय तथा माओवादीका राजेन्द्र कार्कीलाई स्वास्थ्य मन्त्रालय एवं नारायण बुर्जा मगरलाई पर्यटन, वन तथा वातावरण मन्त्रालयकाे जिम्मेवारी दिइएकाे छ । उद्योग, कृषि तथा सहकारी मन्त्रालय मुख्यमन्त्री आफैंले राखेका छन् । त्यस्तै राज्यमन्त्रीमा एमालेबाट सिर्जना राई र माओवादीबाट बन्दना झाँगड रहेका छन् । राईलाई मुख्यमन्त्री कार्यालय र झाँगडलाई पर्यटन, वन तथा वातावरण मन्त्रालयकाे जिम्मेवारी दिइने भएकाे छ । प्रदेश प्रमुखकाे कार्यालयमा नवनियुक्त मन्त्रीहरुकाे शपथकाे तयारी भइरहेकाे छ ।