विराटनगर । नुहाउने क्रममा पानी तान्ने मोटरको तारबाट करेन्ट लागेर मोरङको पथरीशनिश्चरेकी एक जना महिलाको मृत्यु भएको छ ।
मोरङ प्रहरीका प्रवक्ता प्रहरी नायव उपरीक्षक रन्जनकुमार दाहालका अनुसार पथरीशनिश्चरे नगरपालिका–६ की ५६ वर्षीया शन्तिला भट्टराईको मृत्यु भएको हो । आफ्नै घरअगाडिको कलमा नुहाउने क्रममा विद्युत प्रवाह भइरहेको मटरको तारबाट बिहान ६ बजेतिर उनलाई करेन्ट लागेको थियो ।
गम्भीर घाइते भट्टराईलाई उपचारका लागि विराटनगरको नोबेल शिक्षण अस्पताल ल्याइएपछि चिकित्सकले बिहान ८ बजेतिर मृत घोषित गरेका हुन् । प्रहरीले घटनाको अनुसन्धान सुरु गरिएको जनाएको छ ।
Discussion about this post