शान्ति जनकल्याण सहकारीको निर्वाचन आज,१२ पदका लागि ३९ जना भिड्दै

Notice: Undefined offset: 1 in /home/pradeskh/public_html/wp-content/themes/jnews/class/ContentTag.php on line 86

Notice: Undefined offset: 1 in /home/pradeskh/public_html/wp-content/themes/jnews/class/ContentTag.php on line 86

Notice: Undefined offset: 1 in /home/pradeskh/public_html/wp-content/themes/jnews/class/ContentTag.php on line 86

Notice: Undefined offset: 1 in /home/pradeskh/public_html/wp-content/themes/jnews/class/ContentTag.php on line 86

इटहरी २० तरहरामा रहेको शान्ति जनकल्याण बहुउद्येश्यीय सहकारी संस्था लिमिटेडको निर्वाचनको तयारी पूरा भएको छ ।  आज हुँन लागेको निर्वाचनको अगाडी गर्नुपर्ने सम्पुर्ण काम सकिएको निर्वाचन अधिकृत द्रोर्ण न्यौपानेले जानकारी दिए ।

सहकारीको अध्यक्ष पदका लागि  चार जनाको उम्मेदवारी परेको निर्वाचन अधिकृत न्यौपानेले जानकारी दिएका छन् । अध्यक्ष पदका लागि चन्द्रकुमार गिरी, बीरबहादुर लिम्बू, बसन्त श्रेष्ठ र मेघराज पराजुलीले उम्मेदवारी दिएका छन् ।

गिरी तरहरा जेसीजका पूर्व अध्यक्ष तथा रेडक्रस सोसाइटी हाँसपोसा उपशाखाका पूर्व अध्यक्ष हुन् ।

यस्तै, लिम्बू तालतलैया विकास तथा संरक्षण समितिका पूर्व अध्यक्ष हुन् । श्रेष्ठ तरहरामा रहेका विभिन्न संघसंस्थामा नेतृत्व गरेका छन् भने पराजुली यसअघि सहकारीकै पदाधिकारी थिए ।

यस्तै, उपाध्यक्षमा तीनजना उम्मेदवारको रूपमा छन् । एक पदका लागि कृष्णप्रसाद भट्टराई, चिन्तामणी सापकोटा र टंक पौडेलको उम्मेद्बारी परेको निर्वाचन अधिकृत न्यौपानेले पुष्टि गरेका छन्  ।

भट्टराई तरहरा जेसीजका पूर्व अध्यक्ष तथा नेपाल रेडक्रस सोसाइटी सुनसरीका उपमन्त्री भइसकेका छन् । सापकोटा नेपाली कांग्रेस सुनसरी २ (क) का सचिव हुन् भने पौडेल शिक्षासेवी हुन् ।

यस्तै, लेखा समिति संयोजकमा कृष्णप्रसाद घिमिरे र लेखा समिति सदस्यमा सनत कोइराला निर्विरोध निर्वाचित भइसकेका छन् । लेखा समिति महिला सदस्यमा भने एकजनाका लागि तीनजनाको उम्मेदवारी परेको छ ।

खुल्ला सदस्य  अन्तर्गत ६ पदका लागि २३ जनाले उम्मेदवारी दिएका छन् । सञ्चालक समितिमा तीनजना महिलाका लागि ६ जनाले उम्मेदवारी दिएका छन्

‘जम्मा १४ पदमध्ये लेखा समिति संयोजक र एक सदस्य निर्विरोध निर्वाचित हुनुभएको छ,’ न्यौपानेले भने, ‘अरु १२ पदका लागि ३९ जनाबीच प्रतिष्पर्धा हुँदैछ ।’

प्रमुख निर्वाचन अधिकृत न्यौपानेका अनुसार कूल १ हजार ८४९ जना मतदाता छन् । निर्वाचन तरहराको कृषि फारम प्राङ्गणमा हुने छ । बिहान ११ः३० बजेबाट निर्वाचन सुरु गरिने प्रमुख निर्वाचन अधिकृत न्यौपानेले  उल्लेख गरेका छन् ।