नेपाली कांग्रेसका महामन्त्री गगन थापाले प्रधानमन्त्री पुष्पकमल दाहाल प्रचण्डको निर्णयको प्रशंसा गरेका छन् । ८७ प्रकारका नीतिगत विषय गोप्य राख्ने गरी सरकारले गरेको निर्णय तत्काल कार्यान्वयन नगर्ने प्रधानमन्त्री दाहालको निर्णयको महामन्त्री थापाले प्रशंसा गरेका हुन् ।
उनले निर्णय गर्ने क्रममा भएका त्रुटिलाई स्वीकार गरी कार्यान्वयनपूर्व नै सच्याएर फिर्ता लिनु उपयुक्त हुने उल्लेख गरेका छन् ।
महामन्त्री थापाले समाजिक सञ्जाल फेसबुकमा लेखेका छन्, ‘नागरिकको सूचनाको हक नियन्त्रण गर्ने मनसायका साथ ८७ प्रकारका नीतिगत विषय गोप्य राख्ने गरी सरकारले गरेको निर्णय तत्काल कार्यान्वयन नगर्ने प्रमज्यूको कुरा सकारात्मक छ । निर्णय गर्ने क्रममा भएका यस्ता त्रुटिलाई स्वीकारी सरकारले कार्यान्वयनपूर्व नै सच्याएर फिर्ता लिनु नै उपयुक्त कदम हो ।’
प्रधानमन्त्री प्रचण्डले सूचना वर्गीकरणसम्बन्धी समितिले ८७ प्रकारका नीतिगत विषय गोप्य राख्ने गरेको निर्णय कार्यान्वयन नगर्न निर्देशन दिएका थिए ।
Discussion about this post