पोखरा : पोखरा विश्वविद्यालय क्रिकेट क्लब (पियूसीसी)को रोशन साउदको अध्यक्षतमा कार्यसमिति चयन भएको छ ।
पोखरा विश्वविद्यालय केन्द्रीय क्याम्पसमा बसेको बैठकबाट अध्यक्ष साउद, उपाध्यक्ष अन्जल यादव, उपाध्यक्ष धीरेन जंग, सचिव प्रवेश खनाल, सहसचिवद्धय प्रशंसा फडेरा, सचिन पौडेल, कोषाध्यक्षमा सुवास अर्याल, महिला संयोजक आस्मा उपाध्याय, जनरल म्यानेजरमा विक्रम धामी चयन भएका छन् ।
त्यस्तै, सदस्यहरूमा अर्पण रेग्मी, रमेश भट्ट, शैलेश पन्था, सचिन यादव, अनिल भट्ट, गंगाराम यादव, राहुल यादव, प्रभात यादव, सचिन यादव, सचिन कंडेल र आशिष खनाल रहेका छन् ।
वोमन संयोजकमा आईटी अफिसर आशिक यादव, आईटी अफिसर सशी सुवेदी, एसोई प्रमुख पूजन शर्मा, गौरव बोहरा, शास प्रमुख राज पटेल, कप्तान, समीर सुवेदी चयन भएका छन् ।
पोखरा विश्विद्यालयको क्रिकेट क्लबलाई आफ्नो कार्यकालमा थप उचाइ दिने, क्रिकेटलाई विश्वविद्यालयमा प्रोत्साहन गर्न थप लगनशीलता साथ लाग्ने प्रतिबद्धता व्यक्त गरिएको छ ।
क्लबले महिला क्रिकेट विकासको लागि वुमन्स पोखरा युनिभर्सिटी क्रिकेट लिगको तीन संस्करण सम्पन्न गराइसकेको छ । त्यस्तै पोखरा युनिभसिर्टी क्रिकेट लिगका चार संस्करण सम्पन्न भएका छन् । चौथो संस्करणमा नेपाली टोलीबाट खेलिसकेका कुशल मल्ल, अभिनाश बोहरा, विक्रम सोब, कलमसिंह ऐरी, घरेलु क्रिकेटका विपिन रावल र खडक बोहरा लगायतका खेलाडीहरू खेलेका थिए ।
Discussion about this post