झापा : अविरल वर्षाका कारण झापाको कृषि क्षेत्रमा पाँच करोड २१ लाख रूपैयाँभन्दा बढीको क्षति भएको छ।
वर्षाले जिल्लाका विभिन्न स्थानमा लगाइएको अन्नबाली नष्ट हुँदा पाँच करोड २१ लाख ५१ हजार ९ सय रूपैयाँ बराबरको क्षति भएको कृषि ज्ञान केन्द्रले जनाएको छ।
ADVERTISEMENT
झापा गाउँपालिका ४० दशमलव पाँच हेक्टरमा लगाएको धानबाली नष्ट हुँदा ४८ लाख, गौरीगञ्ज गाउँपालिका एकसय हेक्टरमा लगाइएको धानबालीमा क्षति हुँदा एक करोड ७७ लाख ९२ हजार तीनसय, भद्रपुरमा धानबाली र सागसब्जीमा क्षति पुग्दा १९ लाख २६ हजार, गौरादहमा धानबाली र बाली गरेर एक करोड ६० हजार र मेचीनगर नगरपालिकामा धान र सागसब्जीमा गरी एक करोड ७५ लाख ७३ हजार ६ सय रूपैयाँ बराबरको क्षति भएको छ।
ADVERTISEMENT
‘हालसम्म पाँचवटा पालिकाको क्षति विवरण प्राप्त भएको छ। विवरण संकलन जारी छ’, केन्द्रका प्रमुख सागर विष्टले भने। रासस
ADVERTISEMENT
Discussion about this post