रास्वपाले इलाम–२ को अवस्था बुझ्न बुर्लाकोटीलाई पठाउने

इलाम : इलाम क्षेत्र नम्बर दुईमा आउने वैशाख १५ गते उप निर्वाचन हुँदै छ ।

तत्कालीन सांसद सुवासचन्द्र नेम्वाङको मृत्यु भएपछि इलाम दुईमा उप निर्वाचन हुन लागेको हो ।

राष्ट्रिय स्वतन्त्र पार्टीले उपनिर्वाचन हुने इलाम–२ को अवस्था बुझ्न सहमहामन्त्री कवीन्द्र बुर्लाकोटीलाई खटाएको छ ।

सोमबार बसेको सचिवालय बैठकले सहमहामन्त्री बुर्लाकोटीलाई उपनिर्वाचन केन्द्रित अवलोकन भ्रमणमा पठाउने निर्णय गरेको सह प्रवक्ता मनिष झाले बताए ।

उपनिर्वाचनमा टिकट पाइने आशाले अर्को दल छोडेर आउनेलाई उम्मेदवारमा प्राथमिकता नदिने उनले बताए । सकेसम्म स्थानीय उम्मेदवारनै खोज्ने उनको भनाइ छ ।

हालसम्म उम्मेद्धार टुङ्गो लागेको छैन । अवस्था बुझेपछि कसलाई उम्मेद्धार बनाउने भन्ने टुङ्गो लाग्ने बताइएको छ ।

लेखकको बारेमा