बूढानीलकण्ठमा प्रहरीको छापा, २४ भारतीय पक्राउ

काठमाडौँ । काठमाडौँको बूढानीलकण्ठमा प्रहरीले अनलाइन जुवा सञ्चालन गरिरहेको सूचनाका आधारमा छापा मार्दै २४ जना भारतीय नागरिकलाई पक्राउ गरेको छ। प्रहरीका अनुसार उनीहरूले १ अर्ब ६४ करोड ३९ लाख रुपैयाँबराबरको अनलाइन जुवाको कारोबार गरेको पाइएको छ। पक्राउ परेका भारतीय नागरिकहरूको साथबाट २१ थान मोबाइल र ३८ थान ल्यापटप समेत बरामद गरिएको छ। अनुसन्धानका क्रममा उनीहरूले अनलाइन मार्फत ठूलो परिमाणमा जुवा खेलाइरहेको खुल्न आएको र यस विषयमा थप अनुसन्धान भइरहेको प्रहरीले जनाएको छ।