प्रधान सेनापतिद्वारा विष्ट र खड्कालाई दर्ज्यानी चिन्ह

सुनसरी : आज जङ्गी अड्डा, काठमाडौँमा आयोजित कार्यक्रममार्फत प्रधान सेनापति महारथी श्री अशोक राज सिग्देलले दर्ज्यानी चिन्ह प्रदान गरेका छन्।

प्रधान सेनापति सिग्देलले उपरथी दर्जामा पदोन्नति भएका सहायक रथी हिम्मत बहादुर विष्ट र सहायक रथी विष्णु कुमार खड्कालाई अड्डामा आयोजित एक कार्यक्रमबिच दर्ज्यानी चिन्ह प्रदान गरेका हुन।

सो अवसरमा प्रधान सेनापतिले महासेनानी दर्जामा पदोन्नति भएका पाँचजना प्रमुख सेनानीलाई समेत दर्ज्यानी चिन्ह प्रदान गरिएको सैनिक जनसम्पर्क तथा सूचना निर्देशनालयले जनाएको छ । उक्त समारोह कार्यक्रममा बलाधिकृत, बलाध्यक्ष, रथीवृन्द, अधिकृतहरूका साथै पदोन्नति भएका रथीवृन्द तथा अधिकृतका परिवारजनको समेत उपस्थिति रहेको थियो।