सुनसरी ३ बाट प्रतिनिधि बनेका रिमालको दाबी : "म केपी ओलीको पक्षमा छु, हारुवाहरुले अनर्गल प्रचार गरे"

सुनसरी : सुनसरी क्षेत्र नम्बर ३ बाट नेकपा एमालेको महाधिवेशनका लागि प्रतिनिधि चयन भएका केशव रिमालले आफूलाई बदनाम गर्ने उद्देश्यले इस्वर पोखरेल पक्षसँग सम्बन्ध रहेको भन्ने आरोप असत्य भएको बताएका छन्।

तेह्रथुमबाट सङ्गठित सदस्य लिएर आएका रिमालले आफू पार्टी अध्यक्ष के.पी. ओलीको पक्षबाट जिल्ला सदस्य बनेको र युवा सङ्घको पूर्व केन्द्रीय सदस्य समेत भइसकेको कारण, विजयपश्चात् बदनाम गर्ने उद्देश्यले गलत प्रचार गरिएको बताएका छन्।

उनले वर्तमान केन्द्रीय सदस्य तैयब हुसेनका छोरा शद्धाम हुसेनलाई पराजित गरेको र आगामी महाधिवेशनमा आफू पार्टीको केन्द्रीय सदस्य बन्ने तयारीमा रहेको बताए।

रिमालले पराजित उम्मेदवारहरूले आफूलाई बदनाम गर्न असत्य प्रचार गरेको दाबी पनि गरेका छन्। उनले आफू कहिल्यै ओली लाइनभन्दा पर नगएको बताएका छन्।

प्रतिनिधि छनोटका लागि सुनसरी–३ मा भएको निर्वाचनमा पाँच जना प्रतिनिधि चयन भएका छन्। ती हुन्: लिलम बस्नेत, फरिदा राई, केशव रिमाल, विष्णु शर्मा नेपाल र शिवनारायण चौधरी।

पार्टीकै जिल्ला उपसचिव यामकुमार शुब्बा पराजित भएका छन्। रिमालले प्रतिनिधि छनोटमा ९ सय २ मत प्राप्त गरेर विजय हासिल गरेका थिए भने शद्धाम हुसेनले ६ सय १५ मत पाएका थिए। सुनसरी ३ मा २१ सय ११ मत मध्ये १५ सय ५६  मत मात्र झरेका थियो ।

उनले स्थानीय स्तरका कुनै गुटमा नहरेको दाबी गरेका छन् र केन्द्रमा प्रत्यक्ष ओली, प्रदेशमा तहमा अध्यक्ष घनश्याम खतिवडा र इन्चार्ज शेरधन राई पक्षको मात्र भएको दाबी पनि गरेका छन्