नयाँदिल्ली । भारतले पाकिस्तान र पाकिस्तान अधीनस्थ कश्मीरका ९ स्थानमा हवाई आक्रमण गर्दा १०० जनाभन्दा बढी आतंककारी मारिएको दाबी गरेको छ ।
भारतीय सञ्चारमाध्यम दैनिक भाष्करका अनुसार भारतले पाकिस्तानका बहावलपुर, मुरीदके, गुलपुर, सवाई, बिलाल, कोटली, बरनाला, सरजाल र महमूनामा आक्रमण गर्दा १०० भन्दा बढी आतंककारी मारिएका छन् । आतंककारीहरु लुकेका ठाउँहरूलाई निशाना बनाइएको भारतको रक्षा मन्त्रालयले जनाएको छ ।
पहलगाम आक्रमणको १५ दिनपछि गएराति भारतते पाकिस्तानमाथि निशाना साँधेर आक्रमण गरेको हो । तर, कुनै पनि पाकिस्तानी सैन्य स्थानलाई केन्द्र नबनाइएको प्रष्ट पारेको छ ।
तर, यता आक्रमणबाट आठ जनाको मृत्यु भएको पाकिस्तानले दाबी गरेको छ ।
पाकिस्तानी सैन्य प्रवक्ताले रोयटर्स र एएफपी समाचार संस्थालाई दिएको जानकारी अनुसार भारतले पाकिस्तानमा गरेको आक्रमणमा मृत्यु हुने नागरिकको संख्या ८ पुगेको छ भने ३५ जना घाइते भएका छन् । दुई जना हराइरहेको बताइएको छ ।
युनिकोड
मिति रूपान्तरण
प्रदेश खबर
प्रतिक्रिया