सप्तरी । सप्तरीको बोदेबर्साईन नगरपालिकामा आगलागी हुदा करिब २५ लाख बराबरको क्षति भएको छ । बोदेबर्साईन नगरपालिका वडा१० खडकपुरमा बिहीबार आगलागी एकाएक आगलागी भएको थियो । आगलागीमा परी स्थानीय पलानु यादव, गोहालु यादव, उमेश यादव र विरेन्द्र यादवको घर जलेर नष्ट भएको छ ।
आगलागीमा परी पालानु यादवले छोरीको बिवाहाका लागि जोहो गरेर राखेको नगद ५ लाख सहित गरगहना, मोबाइल, टेलिभिजन, लत्ताकपडा भाँडाकुँडा, फर्निचरका सामान तथा अन्नपात जलेर नष्ट भएको छ ।
छोरीको बिवाहाका लागि किनमेल गर्न बजार गएको समयमा दिउँसो करिब २ बजे आगलागी भएको थियो । घरमा कोही नभएका कारण घरमा भएको सम्पुर्ण सामान जलेर नष्ट भएको पिडित यादवले बताए ।
आगलागीमा छिमेकी गोहालु यादव, उमेश यादव र विरेन्द्र यादवको अन्नपात, लत्ताकपडा, भाँडाकुँडा लगायतका सामान समेत जलेर नष्ट भएको बताइएको छ । आगलागीमा केही पशु चौपाया समेत जलेको स्थानीयको भनाइ रहेको छ ।
राजविराज नगरपालिका र शम्भुनाथ नगरपालिकाबाट गएको बरुणयन्त्र,स्थानीयबासी र प्रहरीको सहयोगमा २ घण्टापछी नियन्त्रणमा आएको स्थानीयले जानकारी दिएका छन् ।
युनिकोड
मिति रूपान्तरण
प्रदेश खबर
प्रतिक्रिया