रौतहट / रौतहटमा स्यालको टोकाइबाट १८ जना घाइते भएका छन्।
जिल्लाको गढीमाई नगरपालिका-७ मा घाँस काट्न र बाली हेर्न खेतमा गएकाहरुलाई बिहीबार साँझ स्यालले आक्रमण गरेको स्थानिय रामश्रय राय यादवले जानकारी दिए।
स्यालको टोकाइबाट १८ जना घाइते भएको बताउँदै सोही वडाका वडा अध्यक्ष टपेन्द्र राय यादवले भने ‘यती नै भन्ने यकिन भइसकेको छैन्। १८ जनाभन्दा बढी नै घाइते छन।’
घाइते हुनेहरूमा अधिकांश गढीमाई नगरपालिका-७ धर्मपुर, धनाडी र लक्ष्मीपुर टोलका रहेका छन्।
घाइते महेन्द्र महतो नुनिया, मन्तोरिया देवीलगायतका सबै जना प्रादेशिक अस्पताल गौरमा उपचार लागि पुगेको एक स्थानीय जानकारी दिए। स्थानीय स्वास्थ्य चौकी तथा नगर अस्पतालमा स्यालले टोकेपछि पाइने खोप उपलब्ध नभएकाले घाइते सबै प्रादेशिक अस्पताल गौर पुगेका हुन्।
स्यालले जथाभाबी टोक्न थालेपछि स्थानीय त्रसित बनेका छन्। स्यालले टोकेर धेरैलाई घाइते बनाएपछि गाउँभन्दा बाहिर निस्कँदा अधिकांश मानिस समूहमा निस्कन थालेको स्थानीय यादवले जानकारी दिए।
जिल्ला प्रहरी कार्यालयले घटनाबारे विस्तृत बुझ्ने सो ठाउँमा टोली पठाएको जनाएको छ। बौलाहा स्यालको आतङ्कले नजिकका तीन/चार गाउँ आतंकित भएको छ।
साभार -नागरिक दैनिक
Discussion about this post