इलाम : माङसेबुङ गाउँपालिका–५, भालुटारमा गोरेटो बाटोबाट लडेर ६८ वर्षीय धनराज लिम्बुको मृत्यु भएको छ।
आज (शनिबार) करिब ४ः५० बजे आफ्नै घरबाट करिब ५०० मिटर पूर्वतर्फ रहेको गोरेटो बाटोमा हिँड्दा उनी करिब ५ ६ मिटर तल खसेका थिए।
घटनाबारे मृतकका छोरा घडकन लिम्बुले साँझ ५ बजे इलाम बाँझो प्रहरी चौकीमा जानकारी दिएका थिए।
सूचना पाएपछि प्रहरी टोली घटनास्थल पुगेको थियो।
प्रारम्भिक जानकारी अनुसार मृतक लिम्बु पछिल्लो १ २ वर्षदेखि मिर्गी रोगको औषधि सेवन गर्दै आएका थिए।
सोही रोगका कारण लडेको हुन सक्ने आशंका प्रहरीको छ।
घटनाको थप अनुसन्धान र कानुनी प्रकृयाका लागि इलाका प्रहरी कार्यालय मंगलबारेबाट प्रहरी निरीक्षक मोहनलाल आँगा श्रेष्ठको नेतृत्वमा थप टोली खटिएको प्रहरीले जनाएको छ।
युनिकोड
मिति रूपान्तरण
प्रदेश खबर
प्रतिक्रिया