सान्तवना जित निकाल्न नेपालले वेस्ट इन्डिजलाई दियो १२३ रनको लक्ष्य

युनिटी टी–२० सिरिजको अन्तिम खेलमा नेपालले पहिलो इनिङ्समा १९.५ ओभरमै १२२ रन बनाएर अलआउट भएको छ।

नेपालका ओपनर कुशल भुर्तेलले उत्कृष्ट ब्याटिङ गर्दै २९ बलमा ३९ रन बनाए। उनको पारीमा २ चौका र ३ छक्का समावेश थियो। तर अन्य ब्याट्सम्यानहरू ठूलो योगदान दिन सकेनन्।

कुशल मल्ल १२ रन, कप्तान रोहित पौडेल १७ रन, गुलशन झा १० रन, सन्दीप जोराले १४ रन जोड्दा आरिफ शेख ६ रनमै आउट भए।

त्यस्तै आदिल अन्सारीले ३ रन, लोकेश बमले ९ रन, सोमपाल कामीले ४ रन बनाए भने करण केसी खाता खोल्नासाथ शून्यमा आउट भए। अन्त्यतिर शाहब आलम १ रनमा अविजित रहे।

नेपालले कुल ८ एक्स्ट्रा रन पायो।

अब वेस्ट इन्डिजलाई श्रृङ्खलाको अन्तिम खेल जित्न १२३ रनको लक्ष्य दिएको छ। नेपाल यसअघि नै सिरिज जितिसकेको छ भने आजको खेल जित्दै क्लीन स्वीप गर्ने लक्ष्यमा छ।