काठमाण्डू गोर्खाजले कर्णाली याक्सलाई पाँच विकेटले पराजित गर्दै नेपाल प्रिमियर लिग ९एनपीएल० को प्लेअफ चरण नजिकिएको छ । कीर्तिपुरमा आइतबार भएको खेलमा कर्णालीले दिएको १५० रनको लक्ष्य काठमाण्डूले १८ ओभरमै पूरा गर्यो ।
काठमाण्डूका गेरहार्ड इरास्मसले अविजित ४३ रनको उत्कृष्ट पारी खेले भने जोन सिम्पसनले ४१ रन जोडे । ओपनर बेन चाल्सवर्थले ३४ रनको योगदान दिए ।
यसअघि ब्याटिङ गरेको कर्णालीले २० ओभरमा १४९ रन बनाएको थियो । गुल्सनकुमार झाले २२ बलमा ४९ रनको धमाकेदार इनिङ खेले । पवन सर्राफले ३५ रन र मार्क वाटले ३० रन जोडे ।
जितसँगै काठमाण्डूले प्रतियोगितामा चौथो जित दर्ता गर्दै प्लेअफ नजिक पुगेको छ । कर्णालीको भने चौथो हारपछि अगाडि बढ्ने सम्भावना कमजोर बनेको छ ।
प्रतिक्रिया