एनपीएलमा सुदूरपश्चिम बन्यो पहिलो प्लेअफ टिम, जनकपुर बाहिरिने पक्का

सुदूरपश्चिम रोयल्स सिद्धार्थ बैंक एनपीएलमा प्लेअफ पुग्ने पहिलो टिम बनेको छ। शनिबार जनकपुर बोल्ट्सलाई ६ विकेटले हराउँदै सुदूरपश्चिमले पाँचौं जित हात पार्दै दुई खेलअगावै शीर्ष–४ मा स्थान पक्का गरेको हो।

कीर्तिपुरमा जनकपुरले दिएको १४६ रनको लक्ष्य सुदूरपश्चिमले १७.४ ओभरमा ४ विकेट गुमाएर पूरा गर्‍यो। इशान पाण्डे ५६ रनसहित म्यान अफ द म्याच स्तरको प्रदर्शनमा चम्किए। विनोद भण्डारीले ४२ र हर्मित सिंहले २५ अविजित रन जोडे।

यसअघि जनकपुरले १४५ रन बनाएको थियो। सुदूरपश्चिमका अविनाश बोहराले ४ तथा कुगेलेइनले ३ विकेट लिए।

लगातार चौथो हारसँगै साविक विजेता जनकपुर लगभग बाहिरिने संघारमा पुगेको छ।