काठमाडौं : नेपाली कांग्रेसभित्र विशेष महाधिवेशनको मागले आन्तरिक द्धवन्द जटिल बन्दै गएको छ । पछिल्लोपटक कांग्रेस नेता बाबुराम आचार्यले सामाजिक सञ्जालमार्फत प्रष्ट र कठोर संदेश दिँदै पार्टी नेतृत्वसँग जवाफदेही मागेका छन्।
आचार्यको दाबी अनुसार, ५४ प्रतिशत महाधिवेशन प्रतिनिधिहरूले हस्ताक्षर गरिसकेकाले अब विशेष महाधिवेशन बुलाउने संवैधानिक प्रक्रिया सुरु भइसकेको छ। बहुमत संख्याले माग समर्थन गरिसक्दा केन्द्रीय समितिले यसबारे छलफल वा हेरफेर गर्ने अधिकार नरहेको उनको ठहर छ।
विशेष महाधिवेशनको प्रक्रिया ‘अघिसरिसक्यो’
आचार्य भन्छन्, “५४ प्रतिशत हस्ताक्षर भइसकेको अवस्थामा केन्द्रीय समितिसँग अब निर्णय उल्ट्याउने अधिकार छैन, केवल अनुमोदन गर्ने हैसियत मात्र बाँकी छ।”
उनका अनुसार महाधिवेशन प्रतिनिधिहरूको अधिकार केन्द्रीय समितिभन्दा ठूलो हुन्छ र यति ठूलो संख्याको मागलाई रोकिन खोज्नु नेतृत्वको कमजोरी हो।
बैठक बहिष्कारको आह्वान
कांग्रेसका पछिल्ला केन्द्रीय समिति बैठकहरू पटक–पटक सारिँदै आएका छन्। यही प्रसङ्गलाई जोड्दै आचार्यले विशेष महाधिवेशन पक्षधरहरूलाई बैठकमा नजाने र सीधै तयारीमा लाग्ने सुझाव दिएका छन्।
उनले भने, “सर्ने सर्ने केन्द्रीय समिति बैठकमा नगई, बहिष्कार गरेर विशेष महाधिवेशनको तयारीमा लाग्नुहोस्।”
उनका अनुसार यो माग न त पार्टीविरुद्ध हो, न त कुनै समूह विशेषको हितका लागि। बरु, चार वर्षभित्र अधिवेशन गर्नुपर्ने संवैधानिक बाध्यतालाई कार्यान्वयन गर्न आवश्यक कदम हो।
जेन्जी आन्दोलनदेखि नेतृत्वको भूमिका प्रश्नमा
आचार्यले भदौ २३–२४ मा भएको जेन्जी आन्दोलन, त्यसपछि २७ घण्टा चलेको सत्ता परिवर्तन र ७६ जनाको ज्यान जाने घटनालाई पार्टी नेतृत्वको संवेदनशीलतामाथिको सवालका रूपमा उठाएका छन्।
उनको प्रश्न छ, “पार्टी सभापति, पदाधिकारी वा सदस्य जोसुकै हुन्छन्, तर यस्तो ठूलो संकटपछि पनि अधिवेशन स्थगन गरिरहनु कसरी सही हुन्छ?”
उनले कांग्रेसले सरकारको सहयात्री दलको रूपमा रहेर पनि नागरिकको ज्यान, सम्पत्ति र संस्थागत क्षति रोक्न नसक्नु दु:खद जनाएको छन्।
पार्टीलाई ‘दुर्घटनाबाट बचाउन’ आग्रह
आचार्यले कांग्रेस नेतृत्वलाई अब ढिलो नगरी विशेष महाधिवेशनको मिति घोषणा गर्न आग्रह गरेका छन्।
उनले भने, “नेतृत्वले अब पार्टीलाई दुर्घटनाबाट बचाउनु पर्छ। कार्यकर्तामा फैलिएको अन्योल जित्नुपर्छ।”
उनले पार्टी विधानमा चार वर्षमा अनिवार्य अधिवेशन गर्ने व्यवस्था थप मजबुत बनाउनुपर्ने सुझाव पनि दिएका छन्।
युनिकोड
मिति रूपान्तरण
_lvFlpr7y3Z.png)
प्रदेश खबर
प्रतिक्रिया