पत्रकार महासंघ सुनसरीको १३ औँ साधारण सभा सम्पन्न

नेपाल पत्रकार महासंघको १३ औँ साधारण सभा सम्पन्न भएको छ । शनिवार इटहरीको लायन्स क्लबमा प्रदेश १ आन्तरिक मामिला तथा कानुन मन्त्री केदार कार्कीको प्रमुख आतीथ्यतामा कार्यक्रम सम्पन्न भएको हो । खुल्ला सत्र र बन्द सत्रका विभाजित कार्यक्रममा २ सय बढी साधारण सदस्यको उपस्थिति रहेको थियो। बन्द सत्रमा धारणा राख्ने धेरै जसो सदस्यहरुले पत्रकारको हक हितमा महासंघले ठोस कदम चाल्न नसकेको भन्दै वर्तमान नेतृत्वको आलोचना गरेका थिए । यता धरान र इटहरीका ६ पत्रकारले गैरपत्रकारलाई महासंघबाट हटाउन प्रस्ताव गरेका छन् । सदस्यहरू सुविद गुरागाईँ, कृष्ण भट्टराई, पर्शुराम बाह्रकोटी (विनय),भरतराज शर्मा, अर्जुन सुवेदी र नवराज विष्टले शुद्धीकरणको लागि प्रस्ताव दर्ता गराएका थिए । प्रस्ताव उपर छलफल गरेको अध्यक्ष मण्डलले सदस्यता छानबिन गरी शुद्धीकरण गर्न निर्देशन दिएको छ । प्रतिवेदनमा उठेका प्रश्नलाई संशोधन गर्ने लिखित प्रतिबद्धता सहित सर्वसम्मतिले पारित भएको थियो । साधारणसभामै इटहरीका नगरकार्यपालिका सदस्य दिवस पोख्रेल र धरान नगरकार्यपालिका सदस्य दिनेश गजमेरलाई बिदाइ समेत गरिएको थियो।