पुस्तान्तरणको उद्देश्य सहित इटहरीमा पुनर्मिलन कार्यक्रम सम्पन्न

शनिबार, १६ पुस २०७९
पुस्तान्तरणको मुख्य उद्देश्य सहित इटहरीमा पुनर्मिलन कार्यक्रम सम्पन्न गरिएको छ । इटहरीमा घर भएर बिभिन्न कारणले इटहरी भन्दा बाहिर रहदै आएका इटहरी बासी र इटहरीका अग्रजहरुको भेटघाट तथा अग्रजहरुबाट इटहरीमा वाँहाहरुले गर्नुभएको अनुभव साटासाट गर्नका लागि कार्यक्रमको आयोजना गरिएको आयोजक राजु केसीले प्रदेश खवरलाई जानकारी दिए । कार्यक्रममा इटहरीको इतिहासमा इटहरीलाई चिनाउन अग्रजहरुले खेलेको भुमिकाका विषयमा एकअर्कासँग अनुभव साटासाट भएको केसीको भनाइ थियो । इटहरीको समुन्नत विकासका लागि इटहरीमा जन्मिएका अथवा इटहरीलाई कर्मथलो बनाएकाहरुको बिचमा रहेको दुरीलाई अन्त्य गर्दै एकअपसमा आत्मियता साटासाट गर्नका लागि पुनर्मिलन कार्यक्रम लाभदायक भएको केसीले जमनकारी दिए । कार्यक्रममा ७५ वर्ष भन्दा माथिका अग्रजहरुलाई  टोपी तथा खादा लगाएर स्वागत सम्मान गरिएको थियो । साथै अग्रजहरुबाट आशिर्वाद ग्रहण गरिएको केसी को भनाइ थियो । कार्यक्रम इटहरीकै पर्यटकिय स्थल तालतलैयामा आयोजना गरिएको थियो । इटहरीमा रहेका र इटहरी बाहिर रहेका बिभिन्न व्यक्तित्वहरुको पहलमा पुनर्मिलन कार्यक्रम सम्भव भएको केसीले जानकारी दिएका छन् ।

प्रतिक्रिया

प्रदेश खबर
लेखकको बारेमा
प्रदेश खबर

सम्बन्धित समाचार