खिडसिने अधिकारी कल्याण कोषद्वारा बचतकर्ता र ऋणीको सम्मान

इटहरी । सुनसरीको इटहरीमा खिडसिने अधिकारी खत्री कल्याणकारी कोषको तेस्रो बार्षिक साधारणसभा सम्पन्न भएको छ । साधारणसभामा संस्थाका जेष्ठ सदस्य तथा उत्कृष्ट बचतकर्ता तथा ऋणीहरुलाई सम्मान गरिएको थियो । कार्यक्रमका प्रमुख अतिथि एवम काश्यप गोत्रीय अधिकारी बंश प्रतिष्ठानका केन्द्रीय सदस्य पवन अधिकारीले खादा लगाएर उपहार प्रदान गरी सम्मान गरेका थिए । २०७४ सालमा १६ जना सेयर सदस्यबाट स्थापना भएको कोषमा हाल १ सय ३१ जना सेयर सदस्य छन् । संस्थाले अहिले बिना धितो आफनो सेयर सदस्यहरुलाई १ लाख रुपैयाँसम्म ऋण दिने गरेको सस्थाका अध्यक्ष जयप्रकाश अधिकारीले बताए । साधारणसभाबाट पुनः जयप्रकाश अधिकारीकै अध्यक्षतामा पुरानो समितिलाई निरन्तरता दिने निर्णय भएको सस्थाका उपाध्यक्ष शान्तिबहादुर अधिकारीले बताए । संस्थाका अध्यक्ष जयप्रकाश अधिकारीको सभापतित्वमा सम्पन्न भएको साधारणसभामा उपाध्यक्ष शान्तिबहादुर अधिकारी, कुलपुजा प्रतिष्ठान झापाका अध्यक्ष दिलबहादुर अधिकारी, अधिकारी कुल बंश सामाजका अध्यक्ष पदम अधिकारी, नेपाली सेनाका पुर्ब मेजर तपिन्द्र अधिकारी, सचिव लिलाराज अधिकारी लगायतले मन्तब्य राखेका थिए । बक्ताहरुले बिश्वभरका अधिकारीहरु एकै परिवार भएका कारण एकजुट भएर लाग्नुपर्ने कुरामा जोड दिएका थिए ।