बर्दियामा चार जना सवार स्कुटर दुर्घटना हुँदा बाबु–छोरीको मृत्यु, आमा–छोरा घाइते

बर्दिया : बर्दियामा दुर्घटना हुँदा बाबु–छोरीको मृत्यु भएको छ । बर्दिया अस्पतालनजिक आइतबार स्कुटी दुर्घटना हुँदा बाबु र छोरीको मृत्यु भएको हो । जिल्ला प्रहरी कार्यालय बर्दियाका अनुसार मृत्यु हुनेमा गुलारिया–६ का रामकुमार साह र उनकी ६ वर्षीया छोरी विद्या साहको मृत्यु भएको हो । रामकुमारले चलाएको बा ६८ प ७०३६ नम्बरको स्कुटर ट्याक्टरमा ठोक्किएर दुर्घटना भएको प्रहरीले जनाएको छ । स्कुटरमा साहसहित चार जना सवार रहेका थिए । प्रहरीका अनुसार साहका श्रीमती रुबी साह र छोरा प्रिन्स साह घाइते भएका छन् । उनीहरूको उपचार जिल्ला अस्पतालमा भइरहेको प्रहरीको भनाइ छ । घटनाबारे थप अनुसन्धान भइरहेको प्रहरीले जनाएको छ ।