स्काउट जग्गा प्रकरणः भाडा नतिरेपछि दीपक खड्काको कम्पनीमा महानगरको डोजर, सबै संरचना भत्काइए (तस्बिरहरूसहित)

काठमाडौँ । नेपाल स्काउटको जग्गामा बनाइएका संरचना काठमाडौँ महानगरपालिका भत्काएको छ । 

पूर्वऊर्जामन्त्री एवं नेपाली काँग्रेसका नेता दीपक खड्काको खड्का ल्याण्ड प्रा.लि.ले जग्गा भाडामा लिएर प्रयोग गर्दै आएको थियो । त्यहाँ भएका संरचनामा काठमाडौँ महानगरपालिकाले डोजर लगाएर भत्काएको हो । 

बिहीवार महानगर प्रहरीहरु डोजरसहित पुगेर त्यहाँ बनाइएका संरचनाहरु भत्काएका छन् । काँग्रेस नेता खड्काले नेपाल स्काउट राष्ट्रिय प्रधान कार्यालयको जग्गा भाडामा लिएर प्रयोग गर्दै आएका थिए ।

जग्गाको भाडा लामो समयदेखि नतिरेको आरोप लाग्ने गरेको छ । कार्तिक २० गते स्काउटले सूचना जारी गरेर भाडा चुक्ता गर्न सात दिनको म्याद दिएको थियो । बिहीवारसम्मको म्यादमा भाडा नआएपछि संरचनाहरु भत्काइएको बताइएको छ ।