विद्युतीय गाडीका लागि इटहरीमा श्रीजा मोर्टसको एक्सचेन्ज अफर सुरु

इटहरी : विद्युतीय गाडीका लागि इटहरीमा रहेको श्रीजा मोर्टसको एक्सचेन्ज अफर सुरु भएको छ । सुनसरीको इटहरी राजस्व ढाटमा रहेको श्रीजा मोटर्सले दसैँ तिहार लक्षित गरेर विद्युतीय गाडीका लागि एक्चेञ्ज क्याम्प सुरु गरेको हो । चीनको बहुप्रतिष्ठित कम्पनी चेरीले उत्पादन गरेको ओमोडा ब्रान्डको विद्युतीय सवारी साधनहरूको इटहरीमा एक्सचेन्ज क्याम्प सुरु गरेको श्रीजा मोर्टसका प्रबन्ध निर्देशक नवीन खतिवडाले बताए । उक्त एक्सचेन्ज क्याम्पमा स्पट भ्यालुएसन,फाइनान्सको सुविधा, १ लाख ५० हजार सम्म एक्सचेन्ज बोनस, ७ किलोवाटको फ्री चार्जर,एक वर्षको बिमा,स्पेयर टायर साथै एक वर्षको कर सुविधाको समेत व्यवस्था गरेको निर्देशक खतिवडाले बताए । आजबाट सुरु भएको एक्सचेन्ज क्याम्प ५ दिनसम्म चल्ने श्रीजा मोर्टसको व्यवस्थापक कुशल लामिछानेले बताए । क्याम्पमा जुनसुकै  प्रकारका गाडीहरूको लागि  एक्सचेन्ज गर्ने सुविधा रहेको लामिछानेले बताए । बजारमा अहिले ओमोडाको २ ओटा गाडीहरू सार्बजानिक भएका छन् । जसअन्तर्गत गाडिको मूल्य ६२ लाख र ५६ लाख रहेको छ ।  श्रीजा मोर्टस विगत ५ वर्ष अघिदेखि इटहरी सहित विराटनगर समेत रहेर सेवा दिँदै आएको छ ।