भोजपुरबाट लागुऔषध सहित ३ जना पक्राउ

भोजपुर । भोजपुरको भोजपुर नगरपालिका ९ स्थितबाट लागुऔषध सहित ३ जनालाई प्रहरीले पक्राउ गरेको छ । माघ २७ गते जिल्ला प्रहरी कार्यालय भोजपुरबाट खटिएको प्रहरी टोलीले टेम्केमैयुङ गाउँपालिका २ का २२ बर्षीय कन्चन बस्नेतलाई ट्रामाडोल र स्पास्पेन गरी जम्मा २० चक्की लागुऔषध सहित पक्राउ गरेको छ । साथै भोजपुर नगरपालिका ९ का अनिल राई र उनको दाजु रमेश राईलाई उनिहरुको घर कोठा खानतलासी गर्दा सुत्ने कोठाबाट ट्रामाडोल २ हजार ५० चक्की, स्पासपेन २ हजार ७० चक्की, १२० ग्राम गाँजा र नगद ९७ हजार १० रुपैँया बरामद गरेको हो । पक्राउ परेका उनिहरुको थप अनुसन्धान भईरहेको प्रहरीले जनाएको छ ।