इलाम / नेकपा माओवादी केन्द्रका पोलिटब्युरो सदस्य एवम प्रदेश १ का पूर्व अर्थमन्त्री इन्द्र आङ्बो मौसमले सापेक्षित सर्वस्वीकार्य व्यक्तिलाई अब राष्ट्रपति बनाउनु पर्ने बताएका छन् ।
उनले राष्ट्र प्रमुख (राष्ट्रपति) कुनै अमुक व्यक्ति वा पार्टी विशेषको मात्र सरोकारको सवाल होइन,आम चासो र बहसको विषयसमेत भएको बताए। उनले राष्ट्रपति बन्न योग्य गुणका बारेमा समेत सामाजिक सञ्जालमा लेखेका छन्।
‘संविधान र संघीय गणतन्त्रात्मक व्यवस्थाको रक्षा गर्न सक्ने, संक्रमणकालीन न्याय र शान्ति प्रकृयाको बाँकी काम टुंग्याउन प्रतिबद्ध र संवैधानिक सीमाभित्र बसि वर्तमान संसदलाइ पूर्ण कार्यकाल काम गर्ने वातावरण बनाउने’ उनले भने।
आङ्बोले नेकपा एमालेका अध्यक्ष केपी ओली राष्ट्रपति बन्न चाहे राष्ट्रिय सहमति गर्न सकिने बताए।
Discussion about this post