जम्मु–कश्मिरमा बस दुर्घटना हुँदा दुई जनाको मृत्यु, ३५ घाइते

जम्मु र कश्मीरको पूँछ जिल्लाको मेन्धर क्षेत्रमा मङ्गलबार एक बस दुर्घटना भएको छ, जसमा दुई जनाको ज्यान गएको छ भने ३५ जना घाइते भएका छन् ।

घाइतेहरूलाई तुरुन्तै उद्धार गरी मेन्धरको उप–जिल्ला अस्पतालमा प्राथमिक उपचार दिइएको छ ।

मेन्धर उप–जिल्ला अस्पतालका ब्लक मेडिकल अफिसर मोहम्मद आश्फिकले जानकारी दिँदै भन्नुभयो, “हामीलाई बस दुर्घटनाको सूचना प्राप्त भएपछि घटनास्थल पुग्यौं । दुर्घटनामा ३५ जना घाइते हुनुका साथै दुःखद रूपमा दुई जनाको निधन भएको छ । सबै घाइतेहरूलाई प्राथमिक उपचार दिइएको छ, तर केही गम्भीर घाइतेलाई थप उपचारको लागि अन्यत्र रिफर गर्नुपर्ने देखिएको छ ।”

दुर्घटना पश्चात सुरक्षाकर्मी र स्थानीय बासिन्दाहरूको सहयोगमा तत्काल उद्धार कार्य गरिएको थियो । घटनास्थलबाट प्राप्त दृश्यमा बस पूर्ण रूपमा क्षतिग्रस्त देखिन्छ ।