धानको भुसभित्र लुकाइराखेको दुई सय १२ किलो गाँजा सहित चार पक्राउ

रौतहट । बारा प्रहरीले २ सय १२ किलो लागुऔषध गाजासहित चार जनालाई पक्राउ गरेको छ ।

मकवानपुरको हेटौंडाबाट प्रर्सौनी गण्डकतर्फ आउँदै गरेको प्रदेश ०३–०१–०२४ च ४६३० नम्बरको पिकअप गाडीलाई शनिबार बिहान चेकजांच गर्ने क्रममा उक्त परिमाणको लागुऔषध गाँजा बरामद गरिएको प्रहरीले जानकारी दिएको छ ।

जिल्ला प्रहरी कार्यालय बारा, ईलाका प्रहरी कार्यलय सिमरा र प्रसौनी बाराबाट खटिएको सयुक्त टोलीले परवानीपुर गाउँपालिका वाड न ५ बहुअरीबाट लागुऔषध गाँजा बरामद  गरेको प्रहरीले उल्लेख गरेको छ ।

पिकअप गाडीमा धानको भुसभित्र लुकाइराखेको अवस्थामा २ सय १२ किलो ९२८ ग्राम लागुऔषध गाँजा बरामद गरिएको बारा प्रहरीका प्रवक्ता तथा सूचना अधिकारी प्रहरी नायव उपरीक्षक विजयराज पण्डितले बताए ।

उनका अनुसार मकवानपुर थाहा नगरपालिका वाड न ४ का गाडी चालक बर्ष २८ को रवि कार्की  , थाहा नगरपालिका वाड न १२ का बर्ष ४३ क वीर बहादुर गोले , हेटौंडा नगरपालिका १४ बस्ने बर्ष २३ को साजन मोक्तान र धादिङ थाक्रे गाउँपालिका वाड न ७ बस्ने बर्ष ३१ का महेश तामाङलाई पक्राउ गरिएको उनले जानकारी दिए ।

उनीहरु पिकअप गाडीमा सवार रहेको प्रहरी नायव उपरीक्षक  पण्डितले बताए । यस घटनाको बारेमा आवश्यक अनुसन्धान भै रहेको जिल्ला प्रहरी कार्यालय बाराले जनाएको छ ।