रुपन्देही-३ सहित देशभरका रिक्त पदमा कात्तिक १७ गते उपनिर्वाचन

काठमाडौं । निर्वाचन आयोगले रुपन्देही क्षेत्र नं. ३ सहित देशभरको रिट पदमा उपनिर्वाचनको मिति तोकेको छ । आयोगको आज (सोमबार) बसेको बैठकले कात्तिक १७ गते उपनिर्वाचन गराउने निर्णय गरेको हो ।

रुपन्देही–३ मा प्रतिनिधिसभा सदस्य पद रिक्त छ । २०७९ को प्रतिनिधिसभा सदस्य निर्वाचनमा रुपन्देही क्षेत्र नम्बर ३ बाट निर्वाचित राष्ट्रिय प्रजातन्त्र पार्टी (राप्रपा) का सांसद दीपक बोहराको निधन भएपछि सो क्षेत्रमा उपनिर्वाचन हुन लागेको हो ।

त्यसैगरी मनाङमा प्रदेश सभा सदस्य पद रिक्त रहेको छ । मनाङबाट निर्वाचित प्रदेशसभा सदस्य राजीव गुरुङ (दिपक मनाङ्गे) फौजदारी मुद्दामा दोषी ठहर भएपछि सो क्षेत्रमा जनप्रतिनिधिविहीन भएको थियो ।