माछापुच्छ्रे बैंकले ८ प्रतिशत लाभांश दिने

काठमाडौं : माछापुच्छ्रे बैंकले गत आर्थिक वर्षको मुनाफाबाट आफ्ना सेयरधनीलाई ८ प्रतिशत लाभांश दिने घोषणा गरेको छ।

बैंकको सञ्चालक समितिको शुक्रबार बसेको बैठकले सेयरधनीलाई ४ प्रतिशत बोनस सेयर र कर प्रयोजनसहित ४ प्रतिशत नगद लाभांश वितरण गर्ने निर्णय गरेको हो।

यससँगै माछापुच्छ्रे बैंक चालु आर्थिक वर्षमा लाभांश घोषणा गर्ने पहिलो वाणिज्य बैंक बनेको छ। बैंक सञ्चालक समितिको निर्णय नेपाल राष्ट्र बैंकले स्वीकृत गर्नुका साथै आगामी साधारण सभाबाट पारित भएपछि मात्र सेयरधनीहरूले लाभांश पाउनेछन्।