उनी आफैँ अस्पताल सञ्चालक समितिका अध्यक्ष हुन् भने छोराहरू प्रतीक र प्रत्यूष राउत सञ्चालक समिति सदस्य छन् । राउतले बर्सेनि हजारौँको सङ्ख्यामा बिरामीहरू उपचारका लागि काठमाडौँ र भारतसम्म पुग्नुपर्ने अवस्थाको अन्त्य गर्ने उद्देश्यले नयाँ एवं सुविधा सम्पन्न अस्पताल सञ्चालन गर्न लागिएको बताए ।
साथै, जनरल मेडिसिन, न्युरो सर्जरी, जनरल सर्जरी, मिर्गौला रोग, मुत्ररोग, प्रसूति तथा स्त्रीरोग, आँखा रोग, नवजात शिशु तथा बालरोग, हाडजोर्नी तथा नशाको विशिष्टिकृत उपचार सेवा उपलब्ध गराउने योजना रहेको जानकारी दिए । सबै किसिमका शल्यक्रियामा आधुनिक र विश्वसनीय प्रविधि तथा उपकरणको प्रयोग गर्ने योजना छ ।राउतका अनुसार स्वास्थ्य सेवामा रोगको पहिचान अत्यन्तै महत्त्वपूर्ण पाटो भएकाले ‘डाइग्नोस्टिक डिपार्टमेन्ट’लाई अन्तर्राष्ट्रिय स्तरको बनाइने छ । देशको समग्र स्वास्थ्य सेवाको माग र आपूर्ति तथा गुणस्तरबिचको खाडल कम गर्न खुला अर्थतन्त्रमा निजी क्षेत्रको सहभागिताले महत्त्वपूर्ण भूमिका निर्वाह गर्ने विश्वास उनको छ ।
हाल चुनढुङ्गा खानी सञ्चालन गरी सिमेन्ट उद्योगका लागि कच्चा पदार्थ उपलब्ध गराउँदै आएका उनले पछिल्लो समय सिमेन्ट, पेट्रोलियम, जुत्ता चप्पल, टे«डिङ कारोबारजस्ता उत्पादनमूलक उद्योग तथा व्यवसाय सञ्चालन गरिरहेका छन् ।
प्रदेश खबर
प्रतिक्रिया