प्रविधि क्षेत्रका अग्रजलाई सम्मान र नयाँलाई प्रोत्साहनको अवसरको रूपमा आयोजना भएको कार्यक्रममा यस क्षेत्रका ८०० बढी विशिष्ट व्यक्तित्वको सहभागिता थियो । समारोहको उद्घाटन सञ्चार तथा सूचना प्रविधि मन्त्री रेखा शर्माले गरेकी थिइन भने अर्थमन्त्री डा।प्रकाश शरण महतले समापन सम्बोधन गरेका थिए ।इनड्राइभका एसिया प्यासिफिक पिआर प्रमुख पभिट नन्दको पनि कार्यक्रममा उपस्थिति थियो । कार्यक्रममा श्रीलङ्का, भरत, बङ्गलादेश, भुटान र बेलायतबाट समेत सहभागीहरू थिए । यस वर्षको पायोनियर आइसिटी अवार्ड २०२३ पहिलो इ–कमर्स सञ्चालक बालकृष्ण जोशीले प्राप्त गरेका छन् । एन सेल वुमन आइकन आइवु सिटी अवार्ड सुनैना घिमिरे पाण्डेले प्राप्त गरेकी छन् । यसै गरी, प्रोफेसनल एक्सीलेन्स अवार्ड रेनका अध्यक्ष लोचनलाल अमात्य र आइसिटी अवार्ड प्राध्यापक डाक्टर सुरेश मानन्धरले प्राप्त गरेका छन् । संस्थागत विधाहरूमा डिजिटल गभर्नेन्स अवार्ड नेपाल स्टक एक्सचेन्ज९नेप्से०ले प्राप्त गरेको छ भने डिजिटल सर्भिस अवार्ड तिलगंगा आँखा प्रतिष्ठानले प्राप्त गरेको छ । यस्तै, डिजिटल एजुकेसन अवार्ड तनहुँको सत्यदेवी माध्यमिक विद्यालय र डिजिटल एजुकेसन अवार्ड निजी क्षेत्र काठमाडौँको अध्ययन स्कुलले प्राप्त गरेको छ । प्राप्त गरेको छ । प्रडक्ट अवार्ड क्युआर पिए र राइजिङ स्टार इनोभेसन ब्ल्यांकसरले जित्न सफल भएको थियो । यस्तै पब्लिक च्वाइस अवार्ड मनिमित्रले जितेको छ । दक्षिण एसियाली देशहरू लक्षित साउथ एसिया स्टार्टअप अवार्ड भुटानको समूह मिडिया टेकले प्राप्त गरेको छ । यसबाहेक लिभिङ विथ आईसीटीले सातै प्रदेशका सात उत्कृष्ट स्टार्टअपलाई समेत सम्मान गरेको छ । यस वर्ष कोसी प्रदेशबाट ट्र्याक अन नेपाल, मधेसबाट एड्स बी मिडिया, वाग्मतीबाट हर्टसङ टेक्नोलोजी, गण्डकीबाट रेष्ट्रो यक्ष, लुम्बिनीबाट टुना टेक्नोलोजी, कर्णालीबाट बायो कर्णाली ऐरोमा प्रालि र सुदूरपश्चिम प्रदेशबाट निम इन्फोसिस प्रोभिन्स स्टार्टअपका रुपमा सम्मानित भएका छन ।
कोसी प्रदेशको इटहरीमा रहेको ट्र्याक जिपिएस ३ वर्ष अगाडि स्थापना भएको थियो । यसले सवारी साधनहरूको प्रत्यक्ष निगरानीका लागि यो प्रयोग गरिँदै आएको छ । प्रदेशमा उत्कृष्ट काम गरेपश्चात् अवार्ड प्राप्त गरेको प्राबिधक प्रमुख सरोज राउतले बताए ।
प्रदेश खबर
-(1)_sjXZms9h90.jpg)
प्रतिक्रिया