कृषि उपकरण वितरण गर्दै इलामको देउमाई

इलाम : इलामको देउमाई नगरपालिकाले किसानलाई कृषि उपकरण वितरण गर्दै आएको छ । कृषि विकास तथा पशु सेवा शाखा अन्तरगत कृषि उपकरण वितरण गरिएको हो । नगरपालिकाले यसै आर्थिक वर्षमा २० जना किसानलाई हाते ट्र्याक्टर वितरण गरेको देउमाई नगरपालिकाका सूचना अधिकारी गोविन्द बास्तोला (गोपालले) जानकारी दिए । उनका अनुसार २० जना गाई पालक किसानलाई ६० थान काउ म्याट समेत वितरण गरिएको थियो । कृषिमा आधुनिकीकरण थप्ने र किसानलाई उत्पादन वृद्धिमा सहयोग पुर्‍याउने उद्देश्यले कृषि उपकरण वितरण गरिएको नगर प्रमुख सूर्यप्रसाद पोख्रेल बताए । उनले कृषिलाई प्राथमिकतामा राखेर नगरपालिकाले काम गर्दै आएको बताउँदै व्यावसायिक कृषिमा जोड दिनु पर्ने बताए । नगरले यस अघि पनि किसानलाई बिउ वितरण गर्दै आइरहेको छ ।