नेपालमा चाँय जाति नेपाल पिछडा वर्गमा सूचीकृत

वराहक्षेत्र । हालसम्म राज्यको कुनै समुदाय सूचीकृत नभएका चाँय जातिहरू पिछडा वर्गमा सूचीकृत भएका छन् । सोमवार श्री महल पुल् चौक ललितपुर स्थित कार्यालयमा बसेको संवैधानिक राष्ट्रिय समावेशी आयोगको बैठकले चाँय जातिलाई नेपाल पिछडा वर्गमा समावेश गरी सूचीकृत गरेको हो । नेपालको सुनसरी , मोरङ , झापा , सल्लाही , रौतहट लगाएका तराईका जिल्लामा बसोबास रहेको चाँय जाति भित्र चन्द्रवंशी र मण्डल थर रहेका छन् । हामीले बषौदेखि राज्य वर्ण व्यवस्थामा जोडिन चाहेका थियौ । त्यो आज पूरा भएको नेपाल चन्दबशी समाजका पूर्व केन्द्रीय सचिव राम कुमार मण्डलले बताए । उनले भन्ने आजै राष्ट्रिय समावेश आयोगका सदस्य तथा प्रवक्ता पुष्कर राज तिम्सिना ज्युले फोन गरेर चाँय जाति पिछडा वर्गमा सूचीकृत भएको आधिकारिक जानकारी दिए । हामी धेरै नै खुसी छौ । यसलागि हामीले पनि पहल गरी राखेका थियौ । सार्थक पहल भन्ने प्रतिनिधि सभा सदस्य पूर्व मन्त्री ज्ञानेन्द्र बहादुर कार्कीको रहेको उनले बताए । उन्नले भन्ने हाम्रो समुदायसँग निकै नजिक रहेका प्रतिनिधि सभा सदस्य माननीय कार्की ज्युले सूचीकृत गराउन पहल गर्छु भन्नु भएको थियो । उहाँको त्यो वचन पूरा भएको छ । हामी खुसी छौ । उहाँलाई धन्यवाद दिन चाहन्छु । हिन्दु धर्ममा आस्था राख्ने चाँय जातिहरूको २०६८ सालको जनगणना अनुसार करिब १४ हजार जनसङ्ख्या रहेको चाँय जातिका अगुवा वराहक्षेत्र नगरपालिका वडा नं ९ का अध्यक्ष निरञ्जन चन्द्रवंशीले बताए । प्राय मुख्य पेसा खेती ,किसान रहेको चाँयको मुख्य चाड माघ महिनाको पहिलो आइतबार पर्ने बन्डा पर्व , दसैँ , तिहार रहेको र संवैधानिक आयोगबाट पिछडा वर्गमा सूचीकृत हुन पाउँदा खुसी लागेको उनले बताए । उनले भन्ने राज्यको समुदायमा सूचिकृत गराउन सङ्घीय सांसद तथा पूर्व मन्त्री कार्कीले पहल गरेको र धन्यवादको पात्र बन्नु भएको छ ।