संखुवासभामा नवदृष्टि अस्पतालको आँखा शिविर

संखुवासभा । सुनसरीको इटहरीमा रहेको नवदृष्टि आँखा अस्पतालले संखुवासभाको धर्मदेबी नगपालिकाका सबै वडाहरुमा निःशुल्क आँखा शिबिर सम्पन्न गरेको छ ।। गत फागुन ७ गतेबाट सुरु भएको उक्त शिबिर १५ गते सम्म सञ्चालन भएको अस्पताल प्रबन्धक भक्तबहादुर साहीले बताए । शिविरमा १ हजार ३३ जनाको आँखा परीक्षण गरी निःशुल्क औषधी समेत बितरण गरिएको थियो । शिबिरमा १ सय १३ जना बिरामीहरुलाई मोतियाबिन्दु देखिएको वरिष्ठ नेत्र विशेषज्ञ डा .विजय गौतमले बताए । मोतीयाविन्दु देखिएका बिरामीहरुलाई शल्यक्रिया गर्न नव दृष्टि आँखा अस्पताल इटहरी द्धारा सञ्चालित तुम्लिङटार आँखा उपचार केन्द्र रिफर गरिएको थियो । वरिष्ठ नेत्र विशेषज्ञ डा .विजय गौतमको नेतृत्वमा ७ जनाको प्राविधिक टोलीले रिफर गरीएको विरामीको शल्यक्रिया सम्पन्न गरेको तुम्लिङटार केन्द्रले जनाएको छ । शिबिर धर्मदेवी नगरपालिका र आखा अस्पतलाको सहकार्यमा भएको थियो । यस अघि भोजपुर,धनकुटा,मोरंग,सुनसरी लगायतका जिल्लाहरुका उक्त अस्पतालले निशुल्क शिबिर गरिसकेको अस्पताल प्रबन्धक शाहीले जानकारी दिए ।