कोशीका पूर्व मुख्यमन्त्री केदार कार्कीको अनशनस्थलमा प्रहरीको हस्तक्षेप हुँदा दोहोरो झडप, केही घाइते

विराटनगर : कोशी प्रदेशका पूर्व मुख्यमन्त्री केदार कार्कीले मंगलबारदेखि सुरु गरेको अनशनस्थलमा स्थानीय प्रशासनले हस्तक्षेप गरेको छ । हस्तक्षेपका क्रममा सुरक्षाकर्मी र कार्कीका समर्थकबीच दोहोरो झडप भएको छ । निषेधित क्षेत्रमा आमरण अनशन बसेका कार्की र उनका समर्थकलाई हट्नका लागि स्थानीय प्रशासनले आग्रह गरेको थियो । माइकिङ गर्दा पनि नहटिकन अनशनलाई निरन्तरता दिएपछि स्थानीय प्रशासनले हस्तक्षेप गरेको हो । अहिले दुई पक्षबीच दोहोरो झडप भइरहेको जनाइएको छ । कार्की समर्थकले सुरक्षाकर्मीलाई ढुंगामुढा गरिरहेको छन् भने सुरक्षाकर्मीले लाट्ठी चार्ज गरिरहेको प्रत्यक्षदर्शीले जानकारी दिएका छन् । झडपमा परेर केही अनशन बसेकाहरू र सुरक्षाकर्मी घाइते भएका छन् । सो क्रममा कार्की समर्थक एक जनालाई प्रहरीले पक्राउ गरेको छ । यो पनि - पूर्व मुख्यमन्त्री केदार कार्कीको अनशन हस्तक्षेप गर्ने प्रशासनको तयारी यो पनि - पूर्व मुख्यमन्त्री केदार कार्कीले निषेधित क्षेत्रमै सुरु गरे अनशन यो पनि - पूर्वमुख्यमन्त्री केदार कार्कीको अनशन रोक्न विराटनगरका विभिन्न स्थानमा निषेधाज्ञा यो पनि - कोशी प्रदेशका पूर्व मुख्यमन्त्री केदार कार्की आजदेखि अनशन बस्दै