उज्यालो प्रदेशका सम्पादक किशन शाही पत्रकारिता प्रतिभा पुरस्कारबाट पुरस्कृत

नेपाल पत्रकार महासंघ मोरङको शुक्रवार उर्लावारीमा भएको वार्षिक साधरणसभामा उज्यालो प्रदेश डटकमका सम्पादक किशन शाही २०७९ सालको पत्रकार प्रतिभा पुरस्कारबाट पुरस्कृत भएका छन् । उत्तरी मोरङलाई कार्यक्षेत्र बनाएर लामो समय देखि पत्रकारिता गर्दै आईरहेको किशन शाहीलाई नगद १५ हजार सहित महासंघले पुरस्कृत गरेको हो । त्यसैगरी कार्यक्रममा अग्रज पत्रकार ललिता भट्टराई पनि नगद १५ हजार रकम सहित सम्मानित भएकी छिन् । कार्यक्रमका प्रमुख अतिथि तथा नेपाल पत्रकार महासंघका केन्द्रिय उपाध्यक्ष रमेश विष्ट, विशिष्ट अतिथि तथा महासंघ केन्द्रका पूर्वअध्यक्ष धर्मेन्द्र झाले पुरस्कृत तथा सम्मानितद्धयलाई दोसल्ला ओढाएर सम्मान गरेका थिए । कार्यक्रममा महासंघका केन्द्रिय सदस्य अमर खड्का लगायतले शुभकामना मन्तव्य राखेका थिए । कार्यक्रममा पत्रकार महासंघ मोरङमा आवद्ध पत्रकारहरुको अभिलेख रहेको सञ्चार डायरीको विमोचन समेत गरिएको थियो