इलाम : खाजा घरमा नावालिकाहरुलाई वेश्यावृत्तिमा लगाउने कार्यमा संलग्न रहेको अभियोगमा १० वर्ष कैद फैसला भएर फरार रहेकी इलामकी चिनीमाया लामा (लिम्बु)लाई प्रहरीले पक्राउ गरेर कारागार चलान गरेको छ ।
काठमाडौं टोखा नगरपालिका–९ बस्ने माई नगरपालिका–७ की २८ वर्षीया चिनीमाया लामा(लिम्बु)लाई काठमाडौं जिल्ला अदालतबाट १० वर्ष कैद सजायको फैसला भएको थियो ।
तत्पश्चात् फरार रहेकी उनलाई गत बिहीबार काठमाडौंबाटै पक्राउ गरेर कारागार चलान गरिएको नेपाल प्रहरी मानव बेचबिखन अनुसन्धान ब्युरोका प्रवक्ता नरेन्द्र कुँवरले प्रदेश खबरलाई जानकारी दिए ।
लिम्बुले २ जना नावालिकालाई काठमाडौं टोखा नगरपालिका–९ मा सञ्चालन गरेको खाजा होटेलमा ग्राहकहरूसँग प्रतिव्यक्ति १ हजार रुपैयाँ नगद लिई वेश्यावृत्तिमा लगाउने गरेको आरोप लागेको थियो ।
उनले नगद आफूले नै राखी पीडितहरूलाई खाना मात्र खुवाई जबरजस्ती वेश्यावृत्तिमा लगाउने गरेको बताइएको छ ।
बाहिर कसैलाई बताएमा ज्यान लिने डर त्रासमा पारी बन्धनमा राखेको अवस्थामा मानव बेचबिखन अनुसन्धान ब्युरो बबरमहलबाट खटिएको प्रहरीले शक्ति समूहको सहयोगमा गत जेठ १३ गते नावालिकाहरुको उद्धार गरेको थियो ।
युनिकोड
मिति रूपान्तरण
प्रदेश खबर
प्रतिक्रिया