पन्ध्र सयको आखा उपचार

इलाम : इलामको मंगलबारेमा जारी निशुल्क आँखा शिबिरमा पन्ध्र सय वढिको उपचार भएको छ । सोमबारबाट जारी शिबिरमा एक हजार पाँच सय एघार जनाको निशुल्क आँजा जाँच गरिएको छ । जसमा बुधबार मात्र छ सय ९ जनाले आँखा जाच गराएको आयोजक इलाम उद्योग बाणिज्य संघ शाखा मंगलबारेका महासचिव सोम लुइँटेलले जानकारी दिए ।   उनका अनुसार शिबिरको समापन बिहिबार गरिने छ । तीन दिनमा ६४ जना टेँडो आँखा भएकाहरुको  आँखालाई सिधा पार्ने समेत गरिएको थियो । अप्रेसन मार्फत सोमबार १९ जना, मंगलबार २७ जना र बुधबार १८ जनाको अप्रेसन मार्फत सिधा नजर बनाइएको महासचिव लुइँटेलले बताए ।   इलाम उद्योग वाणिज्य संघ शाखा मंगलबारेको आयोजना तथा देउमाई नगरपालिकाको आर्थिक सहयोग र मेचि आँखा अस्पताल झापाको प्राविधिक सहयोमा प्राथमिक स्वास्थ्य केन्द्र मंगलबारेमा शिबिर संचालन भइरहेको छ ।     मेचि आँखा अस्पतालका डा. पुरुसोत्तम जोशीको नेतृत्वमा रहेका आँखा अस्पतालकी आउटरिट अफिसर कविता कार्की लगायत १४ जनाको प्राविधक टोलीले स्थानियको आँखा परिक्षण गरेको जनाइएको छ । शिबिर देउमाई नगरपालिका स्थित प्राथमिक स्वास्थ्य केन्द्र मंगलबारेमा सञ्चालन भएको थियो ।