रञ्जितासँगको सबै सम्बन्ध समाप्त भएको रेशम चौधरीको घोषणा

काठमाडौं । नागरिक उन्मुक्ति पार्टी (नाउपा) का संरक्षक रेशम चौधरीले श्रीमतीसमेत रहेकी पार्टी अध्यक्ष रन्जिता श्रेष्ठसँगको सबै सम्बन्ध सकिएको घोषणा गरेका छन् ।

लामो समयदेखि राजनीतिक दलभित्रको विवादका कारण उनीहरूको व्यक्तिगत वैवाहिक सम्बन्धनै समाप्त हुने अवस्थामा पुगेको हो ।

चौधरीले आफूलाई कुनै जानकारी नै नदिई केन्द्रीय समितिको बैठक बोलाएर रन्जिताले आफूसँगका सबै सम्बन्ध समाप्त गरेको बताएका हुन् ।

“हामीलाई जानकारी नै नगराई बैठक बोलाएपछि अध्यक्ष रन्जिता श्रेष्ठ चौधरीले मसँगको सबै प्रकारका सम्बन्ध समाप्त गर्न खोजिएको देखिन्छ । उहाँले सबै सम्बन्ध समाप्त पार्नुभयो,” उनले भने ।