झापामा जंगली हात्तीले बस्नेतको घर भत्कायो

झापा : झापाको हल्दिबारी गाउँपालिका–२ ढाकन बस्तीमा जंगली हात्ती प्रवेश गरी एक व्यक्तिको घरमा क्षति पुर्‍याएको छ।

गए राति ११:३० बजेतिर लिला बहादुर बस्नेतको सेन्ट्रीले घेरिएको सिमेन्टको भुइँतले घरको भान्सा कोठा हात्तीले भत्काएको प्रहरीले जनाएको छ।

हात्तीले घरभित्र राखिएको करिब २ बोरा चामल, २० किलो चिउरा, १२ किलो आटा र २ पोक्का तेल नष्ट गर्दा करिब ४० हजार रुपैयाँ बराबरको क्षति भएको पनि प्रहरी स्रोतले बताएको छ।

मानविय तथा चौपायामा भने कुनै क्षति नभएको प्रहरीले जनाएको छ। घटना भएपछि प्रचौ हल्दिबारीबाट खटिएको टोली पुगेको र हात्ती पुनः जंगलतर्फ फर्किएको जनाइएको छ।